BAGUIO CITY – Dakkel ti bimmabaan ti bilang ti insidente ti krimen a nailista ti Police Regional Office Cordillera (PROCOR) kabayatan ti tawen 2021.
Maibasar iti record ti Regional Investigation and Detective Management Division, 3,026 ti pakabuklan nga insidente ti krimen ti nailista ditoy rehiyon a nababa iti 14.30% nu idilig iti 3,531 a nailista idi tawen 2020.
Nailista met ti Baguio City ti 530 a bilang ti kangatoan nga insidente wenno katukad ti 31.27% iti 1,165 nga insidente ti krimen a nailista ti rehiyon idi napan a tawen manipod iti 1,695 nga insidente ti krimen a nailista idi met tawen 2020.
Sinaruno daytoy ti 95 a panagbaba met ti insidente ti krimen sadiay Kalinga kalpasan a nailista ti 350 a kaso manipod iti 445 a nailista idi 2020.
Nailista ti Abra ti 10.28% a panagbaba kadagiti insidente ti krimen ken 9.57% sadiay Ifugao bayat nga ngimmato met ti insidente ti krimen nailista ti Benguet, Apayao ken Mt. Province.
Iti baet dagitoy, binigbig ti dadaulo ti PROCOR ti akem dagiti ahensia a nangmintinar iti kinatalged ti linak ken kappia iti rehiyon iti baet dagiti karit ti agtultuloy nga pandemya.
