Trigger Warning: This article discusses suicide, depression, and self-harm
BAGUIO CITY – Agpalpalagip dagiti otoridad kadagiti makapaspasar ti prikut nga agkiddaw iti tulong kadagiti maseknan nga ahensiya ken otoridad.
Makidkiddaw metlaeng kadagiti nagannak wenno pamilya a paliiwen dagiti annak ken kabalayda, nangruna no makaspasarda iti depression.
Kasaruno daytoy iti kaudian nga insidente no sadino, maysa a lalaki ti nagkettel iti bukodna a biag iti siudad ti Baguio.
Iti imbestigasion dagiti otoridad, napasamak ti insidente idiay Bakakeng Central, Baguio City idi Domingo, May 24, 2026.
Sigun kadagiti otoridad, napansin ti kabsat ti biktima a nakalock ti ruangan iti uneg.
Gapu iti dayta, siniripna ti tawa ken ditoyna a nakita ti kabsatna nga awanan ti puot.
Naiturung ti biktima iti ospital ngem naideklara a pimmusay.
Saan metten a naipasidong iti autopsy ti bangkay ti biktima.//Bombo Noveh Organo
