BAGUIO CITY – Pormalen a naiyuswat ti Integrated Gold Copper Mineral Processing Plant sadiay Sitio Bisil, Gumatdang, Itogon, Benguet.
Naamuan a ti nasao a planta ket non-mercury ken non- cyanide wenno saan a kasapulan nga agaramat iti cyanide ken mercury dagiti agnumar a minero.
Ti nasao a makina ket impaay ti Department of Science and Technology babaen iti panakitinulong ti University of the Philippines.
Nagbalin met a kangrunaan a sangaili iti naisayangkat a programa ni DOST Sec. Fortunato dela Peña ken dimmar-ay metlaeng iti daytoy Itogon Mayor Victorio Palanagdan kenni EMB-CAR Regional Director Reynaldo Digamo.
Malaksid kadakuda, dimmar-ay metlaeng ti panakabagi ti UP a ni Dr. Michael Tan, DOST Regional Director Victor Mariano ken dagiti miembro ti Benguet Federation of Small Scale miners nga idadaulwan ni Engr. Lumino Kaniteng.
Naamuan met a narugian a naipasdek ti nasao a pasilidad idi tawen 2015 ken ita laeng a nailukat ken maipaima kadagiti benepisaryo sadiay.
