Kinarit ni Davao City 1st District Representative Paolo “Pulong” Duterte ni Department of the Interior and Local Government (DILG) Secretary Jonvic Remulla nga agpa hair follicle drug test dagitoy a dua.
Daytoy ket kalpasan iti komento ni Remulla no sadino inawaganna a ‘sabog’ ni Duterte mainaig iti panangipablaakna nga addan ti naipaulog nga arrest warrant kontra kenni Senator Bong Go ken dua a sigud a pulis.
“Baka sabog siya no’ng narinig niya. Wala pa kaming nakikitang ganoon eh,” sigun kenni Remulla.
Gapu iti daytoy, simmungbat ni Duterte no sadinno kinunana a nu kayat ni Remulla a maamwan no sino ti pudno a ‘sabog’, simple laeng ti solusyon- agpa hair follicle drug test dagitoy a dua pakairaman ti inawaganna a ‘boss’ ni Remulla, asawa ken annak daytoy.
Saanen a direkta a dinakamat ni Duterte ti inawaganna a ‘boss’ ni Remulla.
“Kung gusto mo talagang malaman kung sino ang “high” at sino ang “sabog,” simple lang naman ang solusyon. Magpa-hair follicle drug test tayo. Sama mo na ang boss mo at asawa’t anak nya. Para isang testing na lang, tapos ang usapan,” sigun kenni Paolo Duterte.
Immunan a pinaglibakan ni Remulla nga awan pay ti nakitana nga arrest warrant nga inpaulog ti International Criminal Court seknan iti alegasyon ni Duterte.
Maipalagip a nangipablaak ni Congresmman Paulo Duterte idi Hunyo 17 iti social media page na a a nakaawat daytoy iti impormasyon manipud iti inawaganna a ‘highly reliable source’.
Mainaig iti dayta, immunan a pinaglibakan ni Senator Antonio Trillanes IV ti dinakamat ni Duterte. Sigun kenkuana, awan pay laeng ti inpaulog ti ICC kontra kenni Senator Go.
“Huwag kayo magpapaniwala diyan kay Pulong. Wala pang ICC warrant na lumabas para kanino man,” sigun kenni Trillanes.
Iti agdama, awan pay laeng ti kompirmasyon manipud International Criminal Court seknan iti nasao nga warrant of arrest kontra kenni Senator Go ken dua a sigud a pulis. //bombokaren.c.sapirao
