--Ads--
Inwaragawag ni Interior Secretary Jonvic Remulla nga ammo ti gobierno ti lokasyon ni Senator Ronald Bato del Rosa.
Nupay kasta, agan-annad dagitoy tapno maliklikan ti nadara nga operasion.
Sigun kenni Remulla, adda ni dela Rosa iti nasulinek a lugar ken salsalakniban ti armado a grupo sadiay Mindanao.
Maipalagip a sumangsango ni Dela Rosa iti arrest warrant manipud iti International Criminal Court (ICC) mainaig iti kaso a crimes against humanity gapu iti maatap a pakainaiganna iti kampania kontra droga kabayatan ti administrasion ni sigud President Rodrigo Duterte.
