Inawagan ni Vice President Sara Duterte a “drama” ti pannakaarestar ni sigud a House speaker Martin Romualdez.
Daytoy ti kinuna ti bise presidente, sumagmamano nga aldaw kalpasan a kinuna ni Interior Secretary Jonvic Remulla a kayat ti kampo ni Duterte a maibalud ken maposasan para iti “dramatic purposes”.
Nupay kasta, impetteng ni Remulla a saanda a pinatgan ken dimmalanda iti legal babaen iti pagannurutan ti linteg ket ti korte.
Sigun kenni VP Duterte, ni Remulla ti mangkayat iti drama ken ti agpayso a drama ket ti pannakaarestar ni Romualdez.
Iti baet dayta, inwaksi ni Remulla ti kinuna ni Duterte ken binalakadanna nga agpokus kadagiti napapateg a banag.
Sigun kenni Remulla, ad-adda nga adu ti rumbeng nga asikaswen ni VP Duterte no idilig kenkuana a mangar-aramid laeng iti trabaho daytoy.
Kabayatanna, kinuna ni Palace officer Atty. Claire Castro a ti pudno a drama ket ti napasamak iti ruar ti Quezon City Hall of Justice a nangdakaramatan ni Duterte a mabuteng para iti siguridad daytoy.
