--Ads--
Agbirbiruk ita ti International Criminal Court (ICC) kadagiti freelance transcribers a nalaing iti Filipino ken Cebuano language.
Dagiti mahire ket maidesignar iti Language Services Unit, Integrated Services Division iti sidong ti Office of the Prosecutor.
Maibasar iti job opening nga impablaak ti ICC iti website dagitoy idi Enero 28, ti nasao a job opportunity ket nakalista kas individual contractor ken short-term basis.
Saan met a nadakamat nu ti maidiadiaya a trabaho ket adda ti koneksyonna iti pannakatiliw ni sigud a President Rodrigo Duterte.
Ti primary language ti sigud a Presidente ket Cebuano nu sadino madama a nakadetain daytoy idiay The Hague, Netherlands gapu iti kaso a sangsangoenna a crimes against humanity.
