Idagdagadag ti International Coalition Human Rights Group in the Philippines (ICHRP) ti International Criminal Court (ICC) a mangiruaren daytoy ti arrest warrants kontra kadagiti sigud ken mannarimaan nga opisyal ti gobyerno a nabigbig kas “co-prepatrators” ni sigud a Presidente Rodrigo Duterte.
Paset daytoy iti panangsangona iti crimes against humanity seknan ti war on drugs a kampanya daytoy iti administrasyon na.
Iti maysa nga statement, dinakamat ni ti International Coalition Human Rights Group in the Philippines (ICHRP) Chairperson Peter Murphy a kasapulan nga imbestigaranen dagiti nadakamat nga opisyal kagiddan iti panangimbestiga kennis sigud a Presidente Duterte.
Sigun kenkuana, nalawag a saan a kabaelan ti sistema ti Pilipinas nga imbestigaran a nasayaat dagiti nadakamat nga opisyal.
Idagdagadagda ti International Criminal Court (ICC) gapu ta sigun kenkuana, posible a madadael dagiti ebidensya, mangpangta kadagiti testigo, wenno aglibas dagiti nadakamat nga opisyal nu saanda a maimestigaran a dagos.
Maipalagip nga idi Pebrero 13, nangiruar ti dokumento ti International Criminal Court no sadino ket innagananda kas co-conspirators iti war on drug ni sigud a President Duterte da Senator Ronald “Bato” Dela Rosa , Senator Christopher Lawrence “Bong” Go, sigud a Justice Secretary Vitaliano Aguirre II, ken sumagmamano nga sigud a hepe ti Philippine National Police.
Kabayatanna, nainget nga pinaglbakan daytoy da Aguirre ken Go. Iti agdama, saan pay laeng a naimatangan ti presenya ni Sen. Bato Dela Rosa iti senado. // Bombo Karen Calpoe Sapirao
