--Ads--
BAGUIO CITY – Mapukawan iti suplay ti kuryente ti intero a siudad ti Baguio ken ti sumagmamano a paset ti Benguet inton Sabado, Setyembre 9.
Iti pakdaar ti National Grid Corporation of the Philippines, mapukawan iti kuryente manipud alas siete ti agsapa agingga iti alas singko ti malem ti intero a Baguio, ti La Trinidad, Sablan, Tuba, paset ti Tublay, Itogon ken Bokod.
Inlawlawag ti NGCP a daytoy ket para pay laeng iti panakaipatungpal ti preventive ken corrective maintenance activities iti linya dagitoy.
Gapu iti daytoy ket binalakadan ti ahensia ti publiko nga agsagana dagitoy iti maipatungpal nga scheduled power interruption.
