Inaklon ti Islamic State of Iraq and Syria wenno ISIS a responsableda iti dua a panagatake kadagiti Syrian security forces – ti umuna sipud idi nagtugaw ti transitional government iti sidong ti sigud a jihadist a ni Ahmed al-Sharaa.
Kinuna ti terror group a pito nga indibidual ti pimmusay ken pito a dadduma pay ti nadangaran a kameng ti apostate Syrian regime.
Sigun iti nasao a grupo, napasamak ti panagatake iti nasulinek a disierto iti southern Syrian a probinsia ti Suwayda.
Idi laeng Miyerkules, kinuna ti military source iti Suwayda region a na-ambush ti Free Syrian Army bayat ti tracking-da iti garaw ti ISIS.
Ti Free Syrian Army ket supsuportaran dagiti suldado ti Estados Unidos, nga adda iti asideg iti nagbeddengan ti pagilian a Jordan ken Egypt.
