Nagkinnarin ti Israel ken Hamas iti ceasefire deal ken ti pannakawayawaya dagiti nakawtibo nga adda sadiay Gaza.
Ti nasao a ceasefire deal ket naipatungpal kalpasan ti panagtataripnong dagiti opisyal iti opisina ni Qatari Prime Minister Sheikh Mohammed bin Abdulrahman bin Jassim al-Thani .
Nagsina a nakipagkita ti Qatari Prime Minister kadagiti pannakabagi ti Hamas ken Israel a sadiay agpada a simmungbatda iti nadakamat a katulagan.
Gapu iti dayta, naikeddeng a mawayawayaan dagiti tallo pulo ket tallo a kinawtibo ti Hamas idi nirautda ti Israel iti Oktubre 7, 2023.
Kasukat iti dayta, naituding met a wayawayaan ti Israel dagiti ginasgasut a Palestinians.
Iti kanito a maiwaragawag ti nasao a katulagana, mabalinen a makasubli idiay Northern Gaza dagiti sibilyan a Palestinians.
