BAGUIO CITY- Inlawlawag ni Daryll Kim Longid, mangidadaulo iti Public Order and Safety Division ti isyu a pakainaiganda seknan iti namindua a pannangipaayda iti ticket iti maysa nga indibidual.
Iti pannakiuman ti Bombo Radyo kenkuana, inyunay-unayna a saan a maliklikan dagitoy nga insidente.
Sigun kenkuana, immuna a na-ticketan ti maseknan isu’t gapuna a nagturong iti opisina dagitoy.
Nupay kasta, naobserbaran dagiti simmaruno a kameng ti POSD ti nakaparada a lugan daytoy isu’t gapuna a nangipayda iti sabali manen a ticket.
Iti baet dayta, impetteng ni Longid a nalaka a makanselar daytoy, ipakitada laeng iti opisinada.
Iti sabali a bangir, agtultuloy ti Fee parking iti merkado puliko ti siudad ti Baguio no sadino, 90 slots iti motorcyle ken agarup 20 slots ti four wheels a lugan iti baet dagiti rerouting kadagiti kalsada iti siudad ti Baguio.
Malaksid iti dayta, agtultuloy ti monitoring dagiti kameng iti Public Order and Safety Division (POSD) iti merkado publiko, traffic flow ken staging areas iti siudad..//mp4
