Naglusulos iti takem ni Japan Prime Minister Shigeru Ishiba ita a Domingo, September 7.
Daytoy ket kasaruno ti dua a daras a saanna a panagballigi iti eleksyon.
Naglusulos ni Ishiba maysa nga aldaw sakbay ti manamnama koma a panangipatungpal iti Liberal Democratic Party iti panagbobotos a mangikeddeng nu maaddaan dagitoy iti internal leadership a mabalin a mangpwersa kenkuana nga umikkat.
Maipalagip a ni Ishiba ket nagtugaw iti takem Oktubre idi napan a tawen ken indauloanna ti maysa a coalition iti nagbaetan iti Liberal Democratic Party wenno LDP ken ti Komeito.
Iti sidong iti panangidaulo ni Ishiba, napukaw ti majority iti lower ken iti upper house.
Sakbay ti desisyon ni Ishiba ket nakaawat daytoy kadagiti pammabalaw ken apela nga aglusulosen gapu iti agtultuloy a panagngato ti magasgastos dagiti umili ken mapaspasaran dagitoy a krisis.
Ti Japan a pagga-ammo kas fourth-largest economy iti sangalubungan ken maysa a key ally iti Estados Unidos ket sumangsango iti political uncertainty kagiddan ti tension idiay China ken pakaseknan iti regional insecurity.
Nupay kasta, sakbay a naglusulos daytoy ket napirmaan ti maysa a negosasyon iti nagbaetan ti Japan ken Estados Unidos maipapan iti
Sigun ken Ishiba, nalpas a naisettle ti panakaibaba ti ipataw ti Estados Unidos a taripa partikular kadagiti Japanese cars ken daduma pay nga exports.
