Manamnama a maipatungpal ti job fair kadagiti nagduduma a lugar iti pagilian a Pilipinas kas panagrambak ti Labor Day inton bigat, Mayo 1.
Dumanon iti siam a pulo ket pito a lugar ti pakaangayan, sigun iti Department of Labor and Employment (DOLE).
Kinuna ni DOLE Undersecretary Benjo Benavidez a pinanggepda nga agturong kadagiti probinsia tapno ad-adda a nalaklaka a makabirok dagiti agbirbirok ti panggedan.
Sigun kenkuana, kaaduan kadagiti bakante a trabaho ket mainaig ti retail, manufacturing, ken construction, kasta met iti finance.
Gapu idi dayta, ipalpagipna kadagiti abirbirok ti panggedan nga dagiti napateg a dokumento a kas ti resume, diploma, transcript of records, kasta met ti certificate of employment kadagiti sigud a nagtrabaho ken isagana laeng ti bukodda a bagi.
Immunan a kinuna ti nasao nga ahensia a dumanon iti 1,901 a participating employers ti mangilukat ken mangipaay ti 154,470 job vacancies.
Kabayatanna, kinuna ni Benavidez a mabalin a bisitaen dagiti jobseeker wenno agsapsapul ti trabaho ti website ti DOLE tapno kitaenda dagiti lugar a pakaangayan ti job fair.
