Kaadda ti korapsion iti panagngato ti plete dagiti taxi ditoy lokalidad, impetteng ti maysa nga opisyal ti DOTr-Cordillera

BAGUIO CITY – Impetteng manen ti Assistant Regional Director (ARD) ti Department of Transportation (DOTr) – Cordillera nga adda ti korapsion iti panakaipangato ti plete kadagiti taxi units ditoy lokalidad.

Sigun kenni ARD Mohammad Nasser Abbas, daytoy ket gapu kadagiti nagduduma a gadgets a nasken a maimuntar kadagiti taxi units sakbay dagitoy a maipasidong iti calibration.

Inakusaran manen ni Abbas dagiti dadduma nga opisial ti DOTr-Cordillera nga umaw-awat iti pasuksok manipud kadagiti agilaklako kadagiti gadgets a nasken a maimuntar kadagiti taxi.
Kagiddan iti daytoy ket namnamaenna a maaprobaran ti resolusyon iti Baguio City Council a mangkidkiddaw iti pannakaipababa ti plete kadagiti taxi gapu kadagiti reklamo dagiti pasahero.