--Ads--
BAGUIO CITY – Balligi nga inyuswat ti Baguio City Police Office (BCPO) ti maysa a programa para iti pannakapatibker ti panagkaykaysa dagiti umili iti baet ti nagduduma a puli ken relihiyon.
Indauluan ni Baguio City Police Office officer-in-charge Police Colonel Allen Rae Co ti pannakaiyuswat ti “Keep All Baguio Safe And Thriving” Assembly wenu KABSAT program.
Dimmar-ay met laeng iti aktibidad ni Brigadier General Ephraim Dickson, Regional Director ti Police Regional Office-Cordillera (PROCOR).
Kinomendaran ti Acting City Director ti panakaplano ken pannakaiyuswat ti nasao a programa a maitunos iti panakaideklara ti syudad kas maikanem a katalnaan a siudad iti intero a Southeast Asia.
