Awanen ti nabatbati a Philippine Offshore Gaming Operators (POGO) iti Pilipinas a mangisaysayangkat ti nagduduma nga aktibidad, sigun iti Philippine Amusement and Gaming Corporation (PAGCOR).
Daytoy ket kalpasan nga inserra dagiti otoridad ti kadakkelan a Philippine Offshore Gaming Operators (POGO) hub idiay Kawit, Cavite.
Sumagmamano nga opisial ti gobierno ti nangsukimat ti Philippine Offshore Gaming Operator hub idiay Cavite manipod iti dormitory agingga iti gaming area sakbay a naipadlock ti nasao a pasdek.
Naibangon ti pasdek iti daga a kukua ti pamilia ni Interior Secretary Jonvic Remulla a nailako idi tawen 2017.
Ti pannakaiserra dagiti amin a Philippine Offshore Gaming Operators (POGO) ket kas maituros iti pammilin ni President Ferdinand Marcos Jr. bayat ti kaudina nga State of the Nation Address daytoy.
Maibasar iti datos, agarup 40,000 ti naawanan ti trabaho gapu iti pannakaipawil ti POGO.
