--Ads--
Inwaragawag ti pagilian a Ukraine a binombaanda ti maysa kadagiti kadakkelan a satellite communication centers ti Russia.
Sigun kenni Ukrainian President Volodymr Zelensky, pagaammo ti Dubna Satellite Communications Centre a maar-aramat para iti panagtitipon dagiti intellegence ken koordinardinasyon dagiti armado a puersa ti Russia a makilablaban kontra sadiay Ukraine.
Kabayatanna, pinapigsa ti Ukraine ti long-range drone attacks dagitoy tapno mapilitan ti Russia a pagpatinggaen ti uppat a tawen a giera dagitoy.
Iti agdama, awan paylaeng ti kompirmasion ti Russia iti napasamak nga insidente.
Nupay kasta, sigun iti gobernador ti Moscow region a ni Andrey Vorobyov, nabombaan ti maysa nga “administrative building” dagitoy ngem awan ti pimmusay.
