Inyuswat ti lokal a gobyerno ti Tuba, Benguet ti Kadiwa ng Pangulo idiay municipal grounds ti Barangay Poblacion idi kalman, Mayo 25.
Tampok ditoy dagiti prutas, nateng, ken dadduma a food items kas kadagiti snacks, pastries, ken dadduma processed foods manipud kadagiti mannalon ken micro, small and medium enterprises (MSMEs) manipud kadagiti nagduduma a babbarangay ti Tuba.
Maguyguyugoy amin a residente ti Tuba ken kabangibang a luglugar a mangsuporta kadagiti mannalon ken micro, small and medium enterprises babaen iti pananggatang kadagiti produktoda.
Ti Kadiwa ket paset iti panangsuporta ti lokal a gobyerno ti Tuba,Benguet iti panangbigbig ken panangselebrar iti National Farmers and Fisherfolk’s Month ita a bulan.
Agpaut met daytoy agingga inton Mayo 28 iti agdama a tawen. //bombokaren.c.sapirao
