Inwaragawag ti Department of Environment and Natural Resources-Environmental Management Bureau (DENR-EMB) nga apektado iti asok ti sumagmamano a paset ti Metro Manila, Calabarzon, ken Mimaropa gapu iti agtultuloy nga uram sadiay Kalimantan, Indonesia.
Sigun iti ahensiya, nabigbig kas “very unhealthy ” ti kalidad ti angin iti Quezon City, Malabon, Mandaluyong, Manila, Marikina, Muntinlupa, Pasay, San Juan City, Taguig ken Valenzuela.
Agtultuloy ti panagwanawan ti Department of Environment and Natural Resources-Environmental Management Bureau iti lebel ti kalidad ti angin tapno matingiting ti saklaw ken epekto ti asok.
Kabayatanna, nangipaulog ti Quezon City government iti “Air Quality Advisory” tapno agaramat iti face mask dagiti ubbing, senior citizens, masikog, ken dagiti addaan iti sakit ti bara ken puso.
Maibalbalakad kadagiti residente nga agtalinaed iti uneg ti balay ken umawag iti Helpline 122 para iti anya man nga emerhensya.
