Namnamaen iti Department of Energy (DOE) ti dakkel a rollback iti presio dagiti produkto a petrolio iti sumaruno a lawas kasaruno iti temporario a katulagan iti kinatalna iti nagbaetan iti Estados Unidos ken Iran.
Sigun kenni DOE Oil Industry Management Bureau Director Rino Abad, mabalin a bummaba ti presio iti lana iti lebel a P70 agingga P80 tunggal litro gapu iti dakkel a panagbaba iti presio iti krudo iti world market.
Kinuna ni Abad a saan a nalawag nu ngumato manen ti presio iti agdama ken posible nga agtuloy ti panagbaba nu maaddaan pay iti positibo a developments seknan iti katulagan iti Estados Unidos ken Iran.
Agtultuloy met ti panagmonitor iti DOE ti kasasaad idiay Middle East tapno maipasigurado ti umdas a suplay ken nasaysayaat a presio iti lana iti pagilian.
