Naipasidong ti “close quarter battle training” wenno panagsanay ti sangapulo ket lima nga aldaw dagiti kameng ti Coast Guard Security and Border Protection Force (CGSBPF) idiay Pasay City.
Sigun iti Philippine Coast Guard, nakasentro ti panagsanay iti “tactical skills” ken stratehiya kas sungbat iti agbalbaliw a pangta iti seguridad ti Pilipinas.
Ti panagsanay dagiti puersa ti Philippine Coast Guard ken “activation” ti Special Reaction Unit ket naipatungpal iti baet ti tension ti Pilipinas ken China idiay West Philippine Sea (WPS).
Idi laeng Martes, Abril a trenta, binombaan ti danum ti China Coast Guard (CCG) dagiti Philippine civilian vessels a paturong idiay Scarborough Shoal.
Gapu iti insidente, sumagmamano a pagilian ti nangiyebkas ti suportada iti Pilipinas.
Idi kalman, Mayo 2, pinaayaban ti Department of Foreign Affairs (DFA) ti Chinese Embassy of Manila Deputy Chief of Mission Zhou Zhiyong gapu iti napasamak a panagbombada iti barko ti Pilipinas.
