Impakaamo ti hepe ti National Capital Region Police Office (NCRPO) a saan nga agduadua nga ikkaten iti puesto ti siasino man a pulis nga aglabsing iti Police Operational Procedure wenno POP.
Iti naisayangkat a press briefing idiay Taguig City, kinuna ni Police Brigadier General (PBGEN) Anthony Aberin a saan laeng ti nababa ti ranggona ti disiplinaenda nu diket kasta met dagiti immediate supervisors.
Kasaruno ti statement ti heneral maysa a lawas kalpasan ti insidente ti pammaltog idiay Bonifacio Global City a nasaksian ni Representative France Castro.
Sigun kenni Alberin, nakadepende iti kinadagsen ti panaglabsing ti pannusa a maipataw.
Imbinglayna pay a nainget metlaeng nga ipatpatungpalna ti command responsibility isut rason a nu nangaramid ti nababa a ranggo, mapabasol metlaeng ti close supervision wenno nangatngato nga opisial.
Iti insidente ti pammaltog idiay Makati, pinalagipan ni Aberin dagiti kakaduana a pulis nga agtulnog iti POP, ngem patienna a nalawag nga adda ti nilabsing dagiti kameng ti pulisia.
