Ar-aramaten iti Baguio City Police Office (BCPO) ti social media ken dagiti PNP-authorized police vloggers tapno palawaen ti kampania iti kinatalged iti kalsada iti sidong iti OPLAN D.R.I.V.E.
Iti panangiyuswat iti Brigada Iwas Aksidente sa Gulong (BIAG) itay kallabes, kinuna ni Lt. Col. James Allen S. Dogao, hepe iti BCPO Traffic Enforcement Unit, a napateg metlaeng nga aramten dagiti digital platform tapno madanon ti ad-adu a motorista ken umili.
Kinunana nga ad-adda nga epektibo iti agdama ti ababa a video iti panangilawlawag kadagiti linteg-trapiko, kadawyan a panaglabsing, kasasaad kadagiti kalsada, ken palagip iti kinatalged.
Adda dagiti uppat nga aktibo a police vloggers ti BCPO ti agar-aramid iti informative video ken mangibingbinglay metlaeng iti real-time traffic updates manipod iti BCPO View Baguio App, a mangipapaay iti impormasion seknan iti trapiko, parking slots, police assistance points, ken dagiti lokal nga ordinansa.
Karaman metlaeng iti OPLAN D.R.I.V.E. ti limit enforcement, anti-road obstruction operations, ken panagsanay para kadagiti rider ken delivery personnel tapno makessayan dagiti aksidente.
Sigun iti BCPO, bimmaba ti bilang dagiti insidente iti trapiko manipod Enero agingga Hunio 2026 nu idilig iti kapada a panawen idi napalabas a tawen, a manamnama a mapagtalinaed iti tulong iti nainget a digital information campaign.
