Impetteng ti defense counsel ni sigud a President Rodrigo Duterte a ni Atty. Nicholas Kaufman a saan a mabalin a basaran dagiti bitla daytoy tapno mapaneknekan ti maatap a criminal intent.
Kagiddan daytoy iti panangbabalaw ni Kaufman iti maatap a saan a kumpleto a konteksto kadagiti statements ni sigud a president Duterte nga inparang ti prosekusyon.
Iti panagtultuloy ti panagdengngeg ti confirmation of charges hearing iti kaso a Crimes Against Humanity, partikular a dinakamat ni Kaufman ti maikadua a bidyu nga innaramat ni International Criminal Court Deputy Prosecutor Mame Mandiaye Niang iti opening statement daytoy no sadino mabuya iti maatap a panang-aklon ni Presidente Duterte ti responsibilidad iti nasao a kampanya.
Sigun iti depensa, paset laeng ti bitla ni sigud a president Duterte ti inparang ti Deputy Prosecutor.
Innayon ti depensa nga adda dagiti importante a paset a naikat iti nasao nga statement.
Isu’t gapunna nga inparangna ti katuloy ti nasao a bitla nu sadino nalawag a mangeg ti instuction ni sigud a presidente kadagiti otoridad nga unaenda ti mangisayangkat iti naannayas a panag-aresto.
Inlawlawag ti nasao nga abogado, nalawag iti bitla ni sigud a president a maaramat laeng iti violence nu adda ti violent resistance a mabalin a pangta iti biyag dagiti kapulisan ken nalawag nga ebidensiya nga awan ti imbilin ti sigud a presidente a criminal intent ti sigud nga adminstrasyon. //BomboKCS
