--Ads--
Saan a naaprobaran ti P200 a kanayonan a sweldo dagiti mangmangged iti pribado a sektor kagiddan ti panagleppas ti 19th congress.
Malaksid iti dayta, saan metlaeng a naadaptar ti senate version para iti P100 a kanayunan a sweldo a naisumitir idi napalabas a tawen.
Sigun kenni senator Joel Villanueva, nagsurat daytoy iti House labor committee chair tapno iadaptar ti senate version.
Nupay kasta, nagkiddaw ti house panel iti bicameral conference committee.
Gapu iti dayta, kinuna ni Villanueva nga awan ti oras dagitoy para iti bicam rason a suspetsa daytoy nga isabsabotage ti kamara dagitoy tapno maaprobaran ti P200, saan a ti senate version.
