Kanayonan a sako dagiti tultulang iti narekober idiay Taal Lake kagiddan ti panagrugi iti diving operation ita nga aldaw.
Immunan nga adda ti naala a sako dagiti tultulang idi kalman kabayatan ti naipatungpal a surface assessment idiay Taal Lake.
Nupay kasta, saan pay a kumpirmado nu dagitoy ket tulang dagiti mapukpukaw a sabungero ken kasapulan paylaeng a maipasidong iti forensic examination tapno maduktalan nu tulang dagitoy iti tao.
Malaksid iti dayta, maipasidong dagitoy iti DNA testing tapno maduktalan nu adda iti agmatch kadagiti pamilya dagiti mapukpukaw a sabungero.
Ti lokasyon a nakasarakan kadagiti tulang ket asideg iti lugar a dinakamat ti whistleblower a ni Julie Patidongan a nakaibellengan ti bagi dagiti sabungero.
Kabayatanna, inkari iti Malacañang nga awan ti cover-up a mapasamak iti kaso dagiti mapukpukaw a sabungero.
