[photo credit to the owner]
BAGUIO CITY – Nangipasdek iti kanayunan nga express lanes ti Public Employment Services Office (PESO) ti lokal a gobyerno ti Baguio tapnu adda ti mang-akomodar iti ado a bilang dagiti kliente nga agpabaro iti working permit dagitoy ita a tawen.
Sigun kenni Mayor’s Office Executive Assistant Jose Atanacio, adu a kliente ti agturturong ita sadiay City Hall para iti panag-renew dagitoy iti working permit.
Kinunana a maibasar iti datus ti PESO-Baguio idi 2017 ket dumanon iti nasurok 26,000 dagiti nagala ken nagpabaro iti nasao a permiso dagitoy.
Insingasingna met a tapnu saan a marigatan dagiti kliente ket nasken a kompleto dagiti imetenda a dokumento nangruna ti Skills Registry System Form, work permit form, health certificate, kaudian a cedula ken police clearance.
Namnamaenda pay nga agingga inton bulan ti Abril ket ado latta dagiti aplikante ken kliyente dagitoy.
