Agkurkurang latta para kadagiti sumagmamao a mangmangged ti nainayon iti minimum wage iti rehion Cordillera.
Iti pannakiuman iti Bombo Radyo kenni Mike Cabangon, miembro iti Kilusang Mayo Uno,kinunana a bassit laeng ti nainayon a P40 iti minimum wage iti rehion nu sadino, kanayon latta a maiyan-anay ti sweldo iti baet ti pannakaipangato daytoy.
Innayon ni Cabangon a masapol a sapasap ti panangipangato ti minimum wage iti pagilian ken saan koma a matungpal ti linteg a Wage Rationalization iti sweldo kadagiti rehion.
Kidkiddawen ni Cabangon nga ipaaya ti gobierno iti pabor dagiti mangmangged a saan laeng a dagiti dadakkel a kompanya.
Sigun pay kenkuana, rumbeng a mawaswas ti Wage Rationalization Law tapno sapasap ti pannakaingato iti sweldo dagiti mangmangged iti pagilian.//mp4
