Kiniddaw ni Education Secretary Sonny Angara suporta iti Senado tapno manayonan ti pondo para iti Department of Education (DepEd) para iti sumaruno a tawen karaman dagiti programa a nakapokus iti panagadal dagiti estudyante, pagimbagan iti manursuro ken panangpasayaat iti pasilidad iti eskwelaan.
Iti diskusyon ti Senate Finance Committee iti naisingasing a 2027 budget iti ahensiya idi Biyernes, October 16, kiniddaw iti DepEd ti panagnayon iti P147.93 bilyon tapno pondoan dagiti kangrunaan a programa ken serbiso a saan a nasakop ti naisingasing a badyet ti pagilian.
Iti sidong iti General Appropriations Bill (GAB), nailatang iti P969.79 bilyon para iti DepEd ken kadagiti dadduma nga ahensya, nababbaba iti P 6.17 bilyon nu idilig iti orihinal a singasing iti sidong ti National Expenditure Program (NEP).
Namnamaen met ti DepEd ti suporta iti Senado tapno maipaay dagiti kurang iti pondo ken maipatungpal ti panangpasayaat iti kalidad ti edukasyon iti pagilian | Bombo Syra Calion
