--Ads--
Manamnama a maipaulog ti kanayunan nga arrest warrant manipud iti International Criminal Court (ICC) kontra kadagiti sumagmamano a personalidad iti pagilian a Pilipinas.
Sigun kenni National Bureau of Investigation Director Melvin Matibag, napakaamuanda a maipaulog ti arrest warrant kontra kadagiti sumagmamano nga indibidual.
Innayonna a nakasagana ti ahensiya a mangiserbi iti arrest warrant iti kanito a maipaulog.
Maipalagip nga impaulog ti ICC ti warrant of arrest kontra kenni Senator Ronald “Bato” dela Rosa, kalpasan a maatap a maysa daytoy kadagiti co-conspirator iti kaso a crimes against humanity mainaig iti maatap a pammapatay kabayatan ti war on drugs ni sigud a President Rodrigo Duterte.
