Kiniddaw ti social action arm ti Catholic Bishops’ Conference of the Philippines a Caritas Philippines kadagiti kandidato nga agsardengda paylaeng manipud kadagiti napolitikaan nga aktibidad bayat ti Holy Week ken aramatenda ti panawen para iti nauneg a panagmennamenna ken pannakaawat.
Iti maysa nga statement a nairuar idi kalman, kinuna ni Caritas Philippines president Bishop Jose Bagaforo a ti Holy Week ket saan laeng a panawen ti spiritual renewal, no diket maysa pay a gundaway a mangpanunot iti serbisio publiko.
Idagdagdag ni Bagaforo kadagiti agtarigagay nga agbalin a lider a sipupudno nga utoben dagiti naimbag a maaramidanda para iti pagilian, ken maaddaanda kuma ti “commitment” a panagserbi para iti umili a Pilipino nangruna kadagiti napanglaw, “marginalized,” ken awanan ti boses.
Kinuna pay ti Caritas Philippines kadagiti kandidato nga itandudoda ti integridad ti proseso ti eleksion.
Kabayatanna, ti panawen ti panagkampania ti midterm election ket agbayag agingga inton Mayo a deiz.
