--Ads--
Inkari ni President Ferdinand Marcos Jr. a maarestar ti kangrunaan a kriminal iti naanomalyaan a flood control projects iti pagilian.
Sigun kenni Presidential Communications Secretary Dave Gomez, adu itan dagiti napilaan iti kaso ken adda dagiti naibalud, tallo a bulan ti napalabas kalpasan nga imbutaktak ni President Marcos Jr. dagiti anomalya iti flood control projects.
Innayon pay ni Gomez nga inkari ti presidente nga adu pay dagiti maibalud sakbay ti paskua.
Karaman ditoy dagiti aw-awaganda a “Big fish” wenno ti kangrunaan a kriminal iti naanomalyaan a flood control projects a saandan nga innaganan.
Daytoy ti kinuna ti nasao nga opisial, kasaruno dagiti anti-corruption protests a maipatpatungpal kadagiti nagduduma a paset ti pagilian.
