Nagbalin nga inspirasyon ti kapadasan iti kinaubing dagiti kapulisan iti panangipaayda iti tulong kadagiti pagadalan.
Sigun kenni PLTCOL Marvie Amilao, Force Commander ti Benguet 2nd Provincial Mobile Force Company, agarup 20 nga estudyante idiay Otbong Primary School idiay Bobok-Bisal, Bokod, Benguet ti natulongan dagitoy babaen iti outreach program dagitoy. Dagiti estudyante ket adda iti elementary ken day care.
Ti nasao a programa ket paset ti Core Values ti Philippine National Police (PNP) a Maka Diyos, Makabayan, Makatao, ken Makakalikasan.
Imbinglay ti opisyal a mangsapsapul metlaeng dagitoy kadagiti pagadalan nga agkasapulan iti tulong nangruna kadagiti naisulsulinek a lugar.
Inlawlawag ni PLTCOL Amilao a dagiti naiwaras a tulong idiay Otbong Primary School ket nagtaud manipud iti naurnong a donasyon ken personal a bulsa dagiti personnel ti Benguet 2nd PMFC.
Impeksana pay a dakkel ti kinapateg ti panangtulong kadagiti ubbing nangruna ta isuda ti sumarsaruno a henerasyon.
Panggep metlaeng ti nasao a programa a tumulong a mang-engganyo kadagiti estudyante nga apaman a makaturpos ken makasapuld iti panggedanda ket dagitoy metten iti tumulong kadagiti nagtaudanda.
