Imbinglay ni Crael lawa, 2024 summa cum laude ken instructor sadiay Benguet State University dagiti nagbalin a karit iti panagbalinna kas instructor iti alma mater daytoy.
Iti pannakiuman ti Bombo Radyo kenkuana, kinunana nga idi umuna nga aldaw daytoy iti panagtrabaho ket naidumduma nangruna ta nakatrabahona dagiti sigud nga instructorna.
Malaksid iti dayta, kasapulan met nga ammuen no kasano a makilangen kadagiti estudyante-na ken no kasona nga ihandle-na dagiti bukodna a parikut tapno professional latta daytoy.
Iti baet dayta, nagyaman daytoy kadagiti sigud nga instructorna a katrabuanna iti agdama agsipud ta insurwanda daytoy ken silulukatda iti tumunggal maysa nangruna no maipapan iti trabahoda.
Kabayatanna, kinunana met nga awan ti standards ti department dagitoy iti Development Communication agsipud ta depende metlaeng daytoy iti panagregget dagiti estudyante-da.
Gapu iti dayta, saanna a namnamaen a maka-latin honors dagiti estudyante-na gapu ta maawatanna dagiti pagdaldalanan dagitoy ti napateg ket maileppasda ti panagadal dagitoy.
Nupay kasta, ti ar-aramiden dagitoy ket ti panang-inspire-da kadagiti estudyante-da tapno saysayaaten dagitoy ti panagadalda.
Iti sabali a bangir, innayonna pay nga immad-adun iti agdama dagiti ag-en-enroll iti kurso a Development Communication rason a namnamaenna a saysayaatenda ti panagadalda ken saanda a gundawayan ti slots dagitoy.
