Simmayaaten ti kasasaad ni Pope Francis a makidangdangadang iti sakitna a pneumonia iti ospital iti tallo a lawas, ken awan ti baro nga “episodes” ti respiratory crisis daytoy, sigun iti Vatican.
Iti agtultuloy a panagsayaat ti agtawen ti walo pulo ket walo a padi, kinuna ti doktorna a saanda paylaeng a mangipaulog ti sabali manen a medical bulletin agingga inton bigat.
Ni Pope Francis ket naiturong iti ospital ti Gemelli idiay Rome idi Pebrero 14 gapu iti nakaro nga impeksion ti bara a kasapulan ti agtultuloy a pannakaagasna.
Saanen pulos a nakita ni Francis iti publiko sipud idi simrek iti ospital, ti kaatidugan nga kaawanna sipud idi nangrugi ti panagbalinna a padi sangapulo a tawenen ti napalabas.
Iti agdama, saan nga ammo dagiti doktorna no kasano kabaiag ti panangagasna.
