Nagbalaag ti World Health Organization a posible a maibusan ti supply ti medical supplies dagiti sumagmamano nga ospital idiay Lebanon iti sumarsaruno nga aldaw kagiddan iti umad-ado a bilang dagiti casualties manipud iti panangatake ti Israel iti nasao a pagilian.
Sigun kenni Dr. Abdinasir Abubakar, World Health Organization representatives idiay Lebanon, bassiten dagiti medical kit supplies a nabati kadagiti sumagmamano nga ospital idiay.
Sigun iti nasao nga organisasyon, karaman kadagiti maib-ibos a supply ket dagiti trauma kits kas kadagiti bandages, antibiotics, ken anesthetics.
Maipalagip a binomba ti Israel ti Lebanon idi kalman kalpasan no sadino agarup 250 ti pimmusay ken agarup 1,000 ti naireport a nadangran.
Innayon ni Dr. Abubakar, naaramatda iti maysa laeng nga aldaw dagiti medical supplies a kadawyan a suplay dagitoy iti tallo a lawas.
Inladawan pay daytoy a “disaster” nu agtultuloy a ngumato dagiti bilang ti casualties gapu iti kinakurang ti suplay ken kagawaan kadagiti pagagasan. //bombokaren.c.s
