Addan iti nasayaat a kasasaad ti maysa a residente idiay Barangay Malucsad, Pasil, Kalinga kalpasan a nagsagrap daytoy iti injury gapu iti panagreggaay ti daga iti pagtaengan dagitoy ita nga aldaw.
Dagus met a naipakaammo daytoy iti Pasil Municipal Police Station rason a dagus met a nagresponde dagitoy.
Maibasar iti report, mamapati a nagturong ti biktima iti comfort room (cr) dagitoy tapno agdigus ngem kellaat a nargaay ti daga iti ngato ti cr dagitoy a nangitunda iti pannakagabur ti biktima.
Nafirst-aid an met a dagus daytoy ken naiturong iti Pasil Rural Health Unit (RHU) para iti umno a medical assessment ken pannakaagasna.
Sigun iti attending physician, nagsagrap ti biktima iti pannadangran iti makinkannawan a saka daytoy.
Iti agdama, agtultuloy latta ti panangpalagip dagiti otoridad sadiay kadagiti publiko nga agbalin a naridam kagiddan ti bagyo.
