BAGUIO CITY – Nangipaulog ti maysa a Resolution ti Office of the City Prosecutor ti Mandaluyong tapno paboran ken maituloy ti kaso a cyber libel nga impila ni Benguet Congressman-elect Eric Go Yap kontra iti respondent a ni Greafin Bell Valdez Dodon.
Nagramot ti nasao a reklamo ni Yap gapu iti mapapati a panangdadael ti respondent iti nasao nga opisyal babaen iti panagaramatna iti video posting iti internet usar ti social media platform a Facebook.
Nakalanad iti resolution nga adda ti “prima facie evidence” wenno adda ti umdas nga ebidensya a naduktalan dagiti prosecutors para iti posible a panakakombiktar ti respondent.
Karaman a nairekomenda a maipila kenni Greafin Bell Valdez Dodon ti cyberlibel under Section 4(c), paragraph 4 of Republic Act No. 10175 (Cybercrime Prevention Act of 2012).//JRT
