BAGUIO CITY – Naipilan ti kaso a physical injury kontra iti maysa a menor de edad a suspek iti maatap nga insidente ti bullying iti maysa a 14-year old student idi May 26 iti Lake Drive sadiay Burnham Park.
Nupay kasta, ilawlawag ni Baguio City Police Office City (BCPO) Investigation and Detection Management Unit (CIDMU) Chief Pol/ Lt. Col. Pablo Emmanuel Nead a saan nga agtinnag ti insidente iti Republic Act 10627 wenno ti Anti-Bullying Act of 2013 gapu ta saan daytoy a napasamak iti anyaman nga educational institution a kas iti nilaon ti linteg
Maibasar iti nasao a linteg, maaramat laeng dyatoy kadagiti school-related bullying, student-student bullying ken iti social media
Kabayatanna, sigun ken BCPO City Director P Col. Glenn Lonogan, nabigbig dan dagiti dua manipod iti lima a suspek iti insidente.
Dagiti dua ket babbai, mapapati a menor de edad ken myembro ti fraternity.
Kagiddan iti dayta, inpanamnama ni Lonogan nga amin a menor de edad a suspek iti nasao nga insidente ket mapatawan ti pannusa iti Children in Conflict with the Law (CICL) iti sidong ti Republic Act 9344.
Kinunana pay a mangipatungpalda iti naun uneg nga imbistigasyon para iti pakabigbigan dagiti dadduma pay a myembro ti grupo dagiti suspek
Nangipatungpalda metten ti koordinasyon iti Office of the City Social Welfare and Development Officer (OCSWDO) para iti endorsement dagiti menor de edad a suspek para iti counseling ken dadduma pay nga interventions.
Malaksid iti dayta, inkarina iti pannakaipatungpal ti naing inget a pannakaipatungpal ti mobile patrols tapnu malapdan dagiti kadapa nga insidente.
