Ngimmato iti 120% ti kaso iti Dengue iti siduad ti Baguio, manipud Enero angigga iti agdama a bulan no idilig idi napalabas a tawen iti isu metlaeng a bulan.
Maibasar iti kaudian a datos ti City Health Services, dua ti pimmusay bayat dumanon iti garup siam a gasut ti nailista a kaso iti nasao a sakit.
Sigun kenni Mille Balisongen, Sanitation Inspector IV, saan a seasonal ti dengue, no sadino saan a mapsaran laeng daytoy tunggal panagtututdo.
Early Consultation ti makitkita a sulusyon ti City Health Services Office tapnu maliklikan ti casualties mainaig iti dengue.
Mainaig iti dayta, kinuna ni Ruby Magsin, Medical Technology II iti City Health Services Office, a saan laeng nga agtalek kadagiti agas ken ipangpangruna ti agpacheck up tapnu maipasigurado ti kinatalged iti salun-at.
Kabayatanna, karaman ti Barangay Irisan, Barangay Bakakeng Central, Barangay Asin Road, Pacdal, Barangay Sto. Thomas Proper, Barangay Giblartar, Barangay West Qurino Hill, Barangay Mines View, Barangay Middle Quirino Hill, ken Barangay Victoria Village kadagiti Top Barangay’s nga addaan iti kaso ti dengue.//JERWIN
