Impakaammo iti Department of Health(DOH) a dumanonen iti 63 ti nailista a kaso iti super flu iti pagilian maibasar iti kaudian a datos daytoy.
Dagiti nasao a kaso ket nailista idi paylaeng Disyembre idi napan a tawen.
Sigun kenni Health Spokesperson Albert Domingo, kadawyan a ngumatngato ti kaso iti nasao a sakit ken daduma pay a respiratory infections tunggal agbaliw ti panawen.
Ti maaw-awagan a super flu ket maysa a variant iti influenza A nu sadino, dagiti sintomas daytoy ket awan ti nagdumaanna iti trangkaso, panaguyek, panagpanateng, gurigor, ken panagsakit iti bagi.
Gapu iti dayta, nagpalagip ti nasao nga ahensya iti publiko nga agaramat dagitoy iti face masks tapno saan a makaptan iti nasao a sakit ken saanen a kumaro ti panagraira daytoy iti pagilian.
