Ngimmato iti 99 ti nailista a Fire insindent iti siudad ti Baguio ita a tawen no idilig iti napalabas a tawen a dumanon iti 79 nga insidente iti uram.
Iti interview iti Bombo Radyo kenni Senior Fire Officer 1 Lloyd Ashley Furigay, Public Information Officer iti Bureau of Fire Protection Baguio, kinuna a ngimato ti Forest fire ken Grass fire insident iti umuna a quarter iti agdama a tawen partikular iti bulan iti Enero angingga iti Marso iti agdama a tawen.
Maibasar iti datos iti Bureau of Fire Protection-Baguio, nangatngato ti bilang ti danyos ita a tawen no idilig idi napalabas a tawen no sadino, dumanon iti 19 ti nairekord a nagdangran bayat nga innem ti pimmusay.
Sigun kenni Furigay, kangrunaan a naikagapuanan iti ipupusay dagiti biktima ti panagsublida iti pagtaenganda, dagiti saan a makapagn a Person with Disabilities, nakaturog ken dadduma pay.
Malaksid iti dayta, naobserbaran dagitoy a kangrunaan a rason ti uram iti siduad ti electrical system kas iti overload a saksakan,unattended cooking ken dadduma pay.
Gapu iti dayta, ad-adda a papapigsa-enda ti fire safety kadagiti amin a komunidad iti siudad ken ti panag-trainda kadagiti tunggal Barangay, panangipaay iti information drive ken dadduma pay tapno maliklikan ti uram.//mp4
