Kitkitaen ita ni Ombudsman Jesus Crispin Remulla ti panangipila iti kaso kontra kadagiti high-ranking government officials ken dagiti cohorts dagitoy a karaman iti mapapati a naanomalyaan a flood control projects sakbay ti Sandiganbayan inton Nobyembre 25,2025.
Sigun kenkuana, inaganandanto dagiti nasao nga opisyal iti kanito a maipila-da kaso kontra kadagitoy.
Dagiti possible a karaman a mapilaan iti kaso a plunder, bribery, ken corruption complaints ket da Senators Joel Villanueva, Jinggoy Estrada, sigud a representatives Zaldy Co, Mitch Cajayon, Commission on Audit (COA) Commissioner Mario Lipana, ken dadduma pay.
Gapu iti dayta, possible a makumikom ti Sandiganbayan inton sumarsaruno a bulan wenno tawen.
Kabayatanna, impetteng pay ni Remulla a nakaawat ti opisina daytoy iti initial reports seknan kadagiti 421 a flood control cases no sadino manarimaan paylaeng ti panaka-validate dagitoy.
Naituding met nga agresume ti imbestigasyon ti Senate Blue Ribbon seknan iti nasao nga isyu inton Nobyembre 14, 2025.
