Nai-refer iti Barangay Betag ti saan a pagkikinaawatan ti dua nga indibidual seknan ti saan a panagbayad ti maysa nga indibidual iti broccoli nga inorder daytoy iti biktima.
Maibasar iti report ti pulisya, nangipatulod iti mensahe ti biktima iti suspek itay napalabas babaen iti maysa a messaging application nu sadino kidkiddawen ti biktima ti bayad ti suspek iti inorderna a broccoli.
Ti nasao a broccoli ket agbalor iti P12,000 idi Pebrero 23, 2025 ngem saan a dagus a binayadan daytoy ti suspek gapu ta kiniddawna iti biktima nga ag-withdraw pay daytoy iti bangko nopay kasta, saanen a nagsubli ti suspek iti kapada nga aldaw tapno bayadanna kuma ti nasao a nateng.
Idi impalagip ti biktima ti bayad ti suspek, saan daytoy a binayadan ti suspek no diket impalagip met ti suspek ti saan dagitoy a pagkikinaawatan idi napalabas a tawen iti live-in partner ti biktima.
Malaksid iti dayta, nagsawang pay iti nagkakadakes a pannarita ti suspek kontra iti biktima a nangitunda iti “anxiety” iti biktima.
Maipalagip nga idi napalabas a tawen ket naaddaan iti saan a pagkikinaawatan ti biktima kaduana ti live-in partner daytoy kontra iti suspek a sigud nga agop- operate iti maysa a bar sadiay Betag, La Trinidad.
Ti complainant ket agtawen iti 34, single, ken agdama nga agnanaed sadiay Brgy. Tawang, La Trinidad bayat a ti suspek ket addaan iti ligal nga edad, agtratrabaho sadiay Pico, La Trinidad.//Bombo Genzel Depayso
