Inwaragawag ni Mayor Benjamin Magalong a bimmaba ti kaso ti Acute Gastroenteritis (AGE) iti siudad ti Baguio.
Sigun kenkuana, ngimmato ti nasao a sakit idi July 5-11, 2026 ngem bimmaba metlaeng babaen iti agtultuloy nga addang, ken panagregget ti LGU ken maseknan nga ahensiya.
Nupay kasta, impetteng ti Mayor a tuloy-tuloy ti panangiwanawan dagitoy nangruna kadagiti water delivery services ken water refilling stations iti siudad.
Sigun iti opisial, 34 a water delivery services ti naipaayan iti notice of violations ken ceast and decist order.
Iti nasao a bilang, 10 kadagitoy ti water drinking refilling station.
Kabayatanna, musikimat ti “history of offenses” dagitoy tapno maamuan no mapalubusan paylaeng dagitoy nga ag-operate.
Iti sabali a bangir, impeksa ni Dr. Celiaflor Brillantes, city health services officer a tuloy-tuloy ti inspection kadagiti water drinking refilling stations kasta metlaeng kadagiti panganan.
Kiniddawna kadagiti residente iti siudad nga ipaburek nga umuna ti danum sakbay nga inumen.//Bombo Noveh Organo
