Agtultuloy a ngumatngato ti kaso ti Human Immunodeficiency Virus (HIV) iti rehion Cordillera, sigun iti Department of Health Cordillera
Sigun kenni Darwin Babon- Regional Program Manager for STI and HIV iti Department of Health (DOH), dumanon iti 1,295 dagiti confirmed cases ti HIV iti rehiyon manipud tawen 1984 agingga iti bulan ti Pebrero iti agdama a tawen.
Iti nasao a datos, 734 nga indibidual a nadiagnose iti nasao a sakit ket manipud iti siyudad ti Baguio.
Maikadua ti probinsya ti Benguet nga addaan iti 190 a kaso ti HIV, dumanon met iti 183 ti kaso iti probinsya ti Abra, 58 iti probinsya ti Kalinga, 55 iti probinsya ti Ifugao, 38 iti probinsya ti Mountain Province ken 37 iti Probinsya ti Apayao.
Kadawyan met a diagnose ket dagiti lallaki no sadino ket dumanon dayta iti 1,222 a kadawyam a pakaibilbilangan dagiti transgender ken male to male sexual contact bayat a ti bilang dagiti babbai a nadiagnose ket dumanon iti 93.
Kabayatanna, very alarming ti panagngato dagiti madiadiagnose nga indibidual nga agtawen iti 15 agingga 24.
Dumanon metten iti innem a pulo ket walo dagiti pimmusay a gapu iti nasao a sakit.
Agtultuloy met ti panakaisayangkat iti health education nangruna kadagiti ubbing kas kadagiti adda iti elementarya kasya met ti panaka-integrate ti HIV testing.//Bombo Noveh Organo
