--Ads--
BAGUIO CITY – Nanayunan iti 79 ti bilang dagiti naimbagan manipud iti COVID-19 ditoy rehiyon Cordillera idi kalman.
Sigun iti Department of Health -Cordillera, 46 ti naimbagan a pasyente manipud iti Baguio City, 17 iti Benguet, 12 iti Kalinga, tallo iti Ifugao ken maysa sadiay Abra.
Nakailista met ti 49 a kabarbaro a kaso, nagtaud ti 34 a kaso iti Baguio City, 13 iti Benguet ken ti dua iti probinsia ti Apayao.
Dumanon itan iti 4,807 ti pakabuklan a bilang ti nakaptan iti COVID-19 ditoy rehiyon nu sadino 3,609 ti nakarekober bayat nga 1,149 ti aktibo a kaso ken ti 49 a bilang ti pimmusay gapu iti nasao a sakit.
