--Ads--
BAGUIO CITY – Nanayonan manen ti kaso ti COVID-19 iti Cordillera Administrative Region.
Maibasar iti datos ti Department of Health – Cordillera, nailista ti 43 a kanayonan a kaso ti COVID-19 no sadino, nailista ti 12 iti Baguio City, 27 sadiay Benguet, 3 sadiay Mt. Province ken maysa sadiay Ifugao.
Kabayatanna, naimbagan met dagiti 38 a pasyente ti COVID-19 iti rehion.
Manipod iti bilang dagiti naimbagan, nailista ti 28 ditoy Baguio City, innem sadiay Benguet, tallo sadiay Mt. Province ken maysa sadiay Apayao.
Gapu iti dayta, dumanonen iti 5,699 ti pakabuklan a kaso ti COVID-19 iti Cordillera, 5,166 dagiti naimbagan ken 61 dagiti pimmusay.
