--Ads--
Bimmaba ti kaso ti Dengue iti pagilian idi September 14 agingga 27, 2025.
Sigun iti Department of Health, bimmaba daytoy ti 11% kalpasan a nakailista dagitoy ti 14,131 a kaso idi September 14 ken 27.
Sigun iti nasao nga ahensia, nababbaba daytoy no idilig iti 15,874 a kaso a nailista idi August 31 agingga September 23, 2025.
Iti baet ti panagbaba ti kaso ti nasao a sakit, idagdagadag latta ti nasao nga ahensia iti publiko a dagus nga agpakonsulta iti doktor, iti kanito a makapasar ti sentomas ti Dengue kas ti gurigor, panagsakit ti bagi, pannakaulaw, panagbakwar ken dadduma pay.
